Հայկ Մարտիրոսյանի մասնակցությամբ «ACS SUPERCHESS» թիմը դարձել է Ռումինիայի շախմատի թիմային առաջնության չեմպիոն

Հայաստանի առաջատար շախմատիստ Հայկ Մարտիրոսյանի մասնակցությամբ «ACS SUPERCHESS» թիմը դարձել է Ռումինիայի շախմատի թիմային առաջնության չեմպիոն: Այս մասին հայտնում են Շախմատի ֆեդերացիայից։

«ACS SUPERCHESS» թիմը հաղթանակ է տարել անցկացրած բոլոր 9 հանդիպումներում։

Թիմի կազմը՝

ՄԳ Հայկ Մարտիրոսյան (Հայաստան)
ՄԳ Բոգդան-Դանյել Դյակ (Ռումինիա)
ՄԳ Իվան Սոկոլով (Նիդերլանդներ)
ՄԳ Դանիել Դարդհա (Բելգիա)
ՄԳ Կոնստանտին Լուպուլեսկու (Ռումինիա)
ՄԳ Ալեքսանդր Մոտիլյով (Ռումինիա)
ՖՎ Մատեյ-Անդրեյ Կոյչև (Ռումինիա)
ՄՎ Վլադիմիր Դոնչա (Ռումինիա)
Գրոսմայստեր Հայկ Մարտիրոսյանը 7 հնարավորից վաստակել է 5,5 միավոր՝ իր միջազգային վարկանիշը բարելավելով 7,8 կետով։

Շնորհավորում ենք Հայկին և թիմի բոլոր անդամներին՝ մաղթելով նոր հաղթանակներ։