Վիտինյան խոսել է Ռոնալդուի շուրջ ստեղծված իրավիճակի մասին
Պորտուգալիայի ազգային հավաքականի կիսապաշտպան Վիտինյան Ազգերի լիգայի խաղարկության՝ Դանիայի նկատմամբ տարած հաղթանակից (4:2) հետո մեկնաբանել է թիմի ավագ Կրիշտիանու Ռոնալդուի շուրջ ստեղծված իրավիճակը:
«Մենք աշխատում ենք չխառնվել այս պատմությանը։ Մենք կենտրոնացել էինք հանդիպման վրա և անհավանական խաղ անցկացրինք»,- Վիտինյայի խոսքերն է մեջբերում հայտնի ինսայդեր Ֆաբրիցիո Ռոմանոն։
Հիշեցնենք, որ չորեքշաբթի օրը՝ սեպտեմբերի 30-ին, Պորտուգալիայի հավաքականի գլխավոր մարզիչ Ժորժե Ժեզուշը մամուլի ասուլիսի ժամանակ հայտարարել էր, որ Ռոնալդուն բաց կթողնի Դանիայի դեմ խաղը։ Դրանից հետո հարձակվողը հայտարարեց, որ որոշել է լքել ազգային թիմի ճամբարը՝ խոստանալով ժամանակին հանրությանը ներկայացնել իր հեռանալու իրական պատճառները: Նշվում է, որ Ժեզուշն ու Պորտուգալիայի ֆուտբոլի ֆեդերացիայի նախագահ Պեդրու Պրոենսան Կոպենհագենի օդանավակայանում փորձել են համոզել 41-ամյա պորտուգալացուն փոխել որոշումը, սակայն մերժում են ստացել։
Պորտուգալիան Ժորժե Ժեզուշի գլխավորությամբ երրորդ անընդմեջ հաղթանակը տարավ և 9 միավորով վստահորեն գլխավորում է Ազգերի լիգայի A լիգայի 4-րդ խմբի մրցաշարային աղյուսակը։ Դանիան 3 միավորով երկրորդն է։
Հաջորդ տուրում՝ հոկտեմբերի 4-ին, Պորտուգալիան սեփական հարկի տակ կընդունի Նորվեգիային:
ArmSport
