Ո՞ւմ է հակացուցված պելմեններ և խինկալի ուտելը. բացահայտում է բժիշկը
«СМ-Клиника» բժշկական հաստատության գաստրոէնտերոլոգ Մաքսիմ Լիսովսկին բացատրել է, թե որ հիվանդությունների առկայության դեպքում է պետք խուսափել պելմեններից և խինկալիից։ Նա այդ հիվանդությունները թվարկել է Lenta.ru-ի հետ զրույցում։
Լիսովսկու խոսքով՝ պելմենին և խինկալին հատկապես արգելված են սուր պանկրեատիտ կամ այս հիվանդության քրոնիկ ձևի սրացում ունեցող մարդկանց համար։
Նա ընդգծել է, որ ճարպոտ մսի և խիտ խմորի համադրությունը պահանջում է ենթաստամոքսային գեղձի ֆերմենտների ակտիվ արտազատում։ Եթե ենթաստամոքսային գեղձը բորբոքված է, դա կարող է առաջացնել ուժեղ ցավ, սրտխառնոց և զգալի փքվածություն։
Բժիշկը նաև հորդորել է ստամոքսի և տասներկումատնյա աղիքի խոց ունեցող մարդկանց խուսափել պելմենիից, հատկապես սրացման փուլում: Նա բացատրել է, որ հարուստ արգանակը և խիտ խմորը կարող են ուժեղացնել գրգռվածությունն ու ցավը:
«Ճարպոտ մսի արգանակը հանգեցնում է լեղապարկի կտրուկ կծկմանը, ինչը կարող է բերանում դառը համի, ծանրության զգացողության և թաց կղանքի առաջացման պատճառ դառնալ»,- զգուշացրել է մասնագետը:
