Ռոնալդուն փորձում է համոզել Կազեմիրոյին միանալ «Ալ-Նասրին». Marca
«Ալ-Նասրի» հարձակվող և ավագ Կրիշտիանու Ռոնալդուն փորձում է համոզել կիսապաշտպան Կազեմիրոյին միանալ Սաուդյան Արաբիայի ակումբին: Բրազիլացին այս ամռանը կհեռանա «Մանչեսթեր Յունայթեդից»: Այս մասին հաղորդում է Marca-ն:
Ըստ աղբյուրի՝ Ռոնալդուն Կազեմիրոյին համարում է կարևորագույն տարր, որը վճռորոշ խթան կհաղորդի ակումբի դիրքերը բարելավելու համար։
Հաղորդվում է, որ 34-ամյա կիսապաշտպանի հետ պայմանագիր կնքելու հետաքրքրություն ունի նաև «Ինտեր Մայամին»։ Թիմերի միջև արդեն ընթանում են բանակցություններ: Կազեմիրոյին վերջերս նկատել են Մայամիում, հավանաբար՝ ակումբի ենթակառուցվածքներին ծանոթանալու և ղեկավարության հետ անձնական հանդիպումներ անցկացնելու համար։
Ռոնալդուն և Կազեմիրոն միասին խաղացել են «Ռեալ Մադրիդում» 2013-ից 2018 թվականներին։
