«Մանչեսթեր Յունայթեդը» և «Ասթոն Վիլլան» հետաքրքրված են «Միլանի» կիսապաշտպանով
Անգլիական «Մանչեսթեր Յունայթեդը» և «Ասթոն Վիլլան» ակտիվ հետաքրքրություն են ցուցաբերում «Միլանի» հարձակվողական ոճի կիսապաշտպան Քրիստիան Պուլիշիչի նկատմամբ: Նրանց հետաքրքրության մասին լուրերի ֆոնին խաղացողը որոշել է հետաձգել միլանյան ակումբի հետ պայմանագրի երկարաձգման շուրջ բանակցությունները: Այս մասին հաղորդում է CaughtOffside-ը՝ հղում անելով Calciomercato-ին։
Ֆուտբոլիստը, որը նախկինում խաղացել է «Չելսիում», չի շտապում նոր երկարաժամկետ պայմանագիր կնքել: Աղբյուրը հայտնում է, որ Պուլիշիչը մտադիր է սպասել մինչև «Միլանը» հաջորդ մրցաշրջանի ՈՒԵՖԱ-ի Չեմպիոնների լիգայի ուղեգիր ապահովի, նախքան նոր պայմանագրի պայմանները քննարկելը։
27-ամյա ֆուտբոլիստը «Միլան» է տեղափոխվել «Չելսիից» 2023 թվականին: Նրա ներկայիս պայմանագիրը իտալական ակումբի հետ ուժի մեջ է մինչև 2027 թվականը և ներառում է ևս մեկ տարով երկարաձգման հնարավորություն:
