Իսրայելը կշարունակի ավելացնել ներդրումները զենքի արտադրության ոլորտում
Իսրայելը կշարունակի ավելացնել սեփական զենքի արտադրության ոլորտում ներդրումները՝ եվրոպական արտադրողներից կախվածությունից խուսափելու համար։
Այս մասին սեպտեմբերի 15-ին հայտարարել է Իսրայելի վարչապետ Բենիամին Նեթանյահուն։
«Մենք կշարունակենք ավելացնել զենքի արտադրության ոլորտում ներդրումները, որպեսզի կախված չլինենք Արևմտյան Եվրոպայի առաջնորդներից», – ասվում է Իսրայելի վարչապետի գրասենյակի տարածած հայտարարության մեջ։
Նեթանյահուն ընդգծել է, որ, չնայած երկու տարվա պատերազմին, իսրայելական շեկելը ամրապնդվել է, բյուջեի դեֆիցիտը կրճատվել է, իսկ Իսրայելում հետազոտությունների և զարգացման ոլորտում արտասահմանյան ներդրումները մնում են աշխարհում ամենաբարձրը՝ Միացյալ Նահանգներից հետո։
