Թրամփը Պենտագոնին հանձնարարել է պատրաստվել Ռուսաստանին և Չինաստանին զսպելուն

ԱՄՆ նախագահ Դոնալդ Թրամփը հանձնարարել է Պենտագոնին պատրաստվել Ռուսաստանին և Չինաստանին զսպելուն։ Այս մասին Fox News-ին տված հարցազրույցում հայտարարել է ԱՄՆ պաշտպանության նախարար Փիթ Հեգսեթը։

«Ցավոք, նախորդ վարչակազմի թուլությունը Ռուսաստանին և Չինաստանին ավելի մերձեցրեց։ Դա ամերիկյան առաջնորդության և ամերիկյան ուժի բացակայության սարսափելի դրսևորում էր»,- ասել է նա։

Պենտագոնի ղեկավարը նշել է, որ Վաշինգտոնը ցանկանում է վերակառուցել իր զինված ուժերը և վերականգնել մարտական ​​ոգին։ Նրա խոսքով՝ սա չի նշանակում ԱՄՆ-ին պատրաստել հակամարտության։