Ոչ մեկին շանս չպետք է տրվի կենտրոնացնել իշխանությունը և հայտարարել` իշխանությունը ինքն է. Կարապետյան
«Մեր երկրում քաղաքական կուսակցությունները պետք է հիմնված լինեն գաղափարական հենքի վրա։ Գաղափարը կարող է լինել տնտեսությունը, կարող է լինեն սոցիալական փոփոխությունները,- Սամվել Կարապետյանի հիմնադրած «Մեր ձևով» շարժման մեկնարկին նվիրված միջոցառման ժամանակ նշեց շարժման համակարգող խորհրդի գլխավոր պատասխանատու, «Տաշիր գրուպ» ընկերությունների խմբի փոխնախագահ Նարեկ Կարապետյանը և հավելեց,- Ինչ վերաբերում է անհատներին՝ լինելու են, ղեկավարելու են պրոֆեսիոնալները։ Եվ շատ կարևոր է, որ ոչ մեկին շանս չտրվի կենտրոնացնել ամբողջ իշխանությունը և հայտարարել՝ «կառավարությունը ես եմ»»։
Ըստ Նարեկ Կարապետյանի՝ այս մոտեցումը շատ կարևոր է յուրաքանչյուր հաջորդ կառավարության համար, «որովհետև իշխանությունը մարդկանց դեֆորմացնելու հատկություն ունի»։
«Ինստիտուցիոնալիզմը շատ կարևոր է, հավասարակշռությունը շատ կարևոր է, մեր քաղաքական հայացքներն այդպիսին են, որպեսզի մենք էլ ու մյուս բոլոր ուժերն էլ չդառնան այն, ինչ հիմա մենք տեսնում ենք»,- ամփոփեց նա։
Սամվել Կարապետյանի մասին հարցադրմանն ի պատասխան էլ՝ Նարեկ Կարապետյանը շեշտեց․
«Նա գաղափարական մեր առաջնորդն է, այսինքն՝ նրա ծրագրերով, նրա գաղափարներով ենք մենք առաջ շարժվում։ Կուսակցության մասին չորս ամիս հետո մենք հանդես կգանք ավելի կոնկրետ՝ կուսակցության ծրագրային առաջարկով»։
Մանրամասները՝ տեսանյութում
