Մեր ձևով նշանակում է հայավարի. ընտրություններին հայ ժողովուրդը մերժելու է փոքրիկ խմբակին. Նարեկ Կարապետյան
«Ի՞նչ է նշանակում «մեր ձևով»․ այս բառակապակցությունը Սամվել Կարապետյանի հայտնի հարցազրույցից հետո թևավոր խոսք է դարձել հայության մեջ ամբողջ աշխարհում»,- այս մասին Սամվել Կարապետյանի հիմնադրած «Մեր ձևով» շարժման մեկնարկին նվիրված միջոցառման ժամանակ նշեց շարժման համակարգող խորհրդի գլխավոր պատասխանատու, «Տաշիր գրուպ» ընկերությունների խմբի փոխնախագահ Նարեկ Կարապետյանը։
Նա արձանագրեց՝ արդեն բոլորը հասկացել են, որ «մեր ձևով»՝ նշանակում է հայավարի, այսինքն՝ պատվով, աշխատասիրությամբ, խելքով, արժանապատվությամբ, հանուն երեխաների իրական ու բարեկեցիկ ապագայի։
«Սիրելի՛ հայրենակիցներ, վստահ լինելով, որ գալիք քաղաքական և ընտրական գործընթացում հայ ժողովուրդը մերժելու և իշխանությունից հեռացնելու է գործող փոքրիկ խմբակին, այս շարժման օգնությամբ մենք ջանում ենք միավորել ազգային ներուժը և ձևավորել այնպիսի Հայաստանի տեսլական, որը հնարավոր կլինի ընդամենը հինգ-վեց տարում իրականություն դարձնել։ Դա լինելու է մեր իրական երազած Հայաստանը, որը կրկին աշխարհի բոլոր հայերի հարազատ տունը կլինի՝ բարեկեցիկ, երջանիկ և պաշտպանված։ Անելու ենք մե՛ր ձևով»,- ամփոփեց շարժման համակարգող խորհրդի գլխավոր պատասխանատուն։
Մանրամասները՝ տեսանյութում
