Հայտնաբերվել է ֆաբրիկայի տարածքից գողացված 350 գրամ փիրուզի հանքաքարը
Հունիսի 9-ին Համայնքային ոստիկանության Թումանյանի բաժնում հաղորդում է ստացվել, որ Հաղպատում գործող մի ֆաբրիկայի տարածքից գողացել են փիրուզի հանքաքար:
ՆԳՆ ոստիկանությունը պարզել է, որ գողությունը կատարել է ֆաբրիկայի աշխատակից 24-ամյա երիտասարդը: Համայնքային ոստիկանության Թումանյանի բաժնում նրա մոտ հայտնաբերվել է 350 գրամ փիրուզի հանքաքարը:
«Երիտասարդը հայտնել է, որ հանքաքար է գողացել նաև հունիսի 7-ին:
Հանգամանքները պարզվում են»,- ասված է հաղորդագրությունում։
