Փաշինյանի շարասյունը Սյունիքից վերադառնալիս ավտովթարի է ենթարկվել․ կան տուժածներ. «Հրապարակ»
Hraparak.am-ի տեղեկություններով` Նիկոլ Փաշինյանի շարասյունը Սյունիքից վերադառնալիս Արմաշ գյուղում ավտովթարի է ենթարկվել, վնասվածքներ են ստացել նաեւ թիկնապահներից ոմանք։
Փաշինյանի ավտոշարասյունը ավտովթարի է ենթարկել քաղաքացի Շահնազարյան Յուրիկին։
Նշենք, որ սա Փաշինյանի շարասյունի կողմից առաջին վթարի դեպքը չէ. տարիներ առաջ Փաշինյանի շարասյունը մահացու վթարի ենթարկեց հղի Սոնա Մնացականյանին։
Հգ. նոր մանրամասներ։ Քիչ առաջ վարչապետի խոսնակն արձագանքեց մեր լուրին` նշելով, թե այն չի համապատասխանում իրականությանը։ Մենք կապ հաստատեցինք Արմաշի բնակիչներից մեկի հետ, որը մեզ պատմեց` Փաշինյանի ավտոշարասյան անցնելու համար երթևեկությունը կանգնեցվել է. շարասյունը անցնելուց հետո մեքենաներ են բախվել իրար։
