Ուկրաինայի և Ռուսաստանի միջև զոհվшծների մարմինների փոխանակումը նախատեսվում է հաջորդ շաբաթ. Բուդանով
Ուկրաինայի և Ռուսաստանի Դաշնության միջև զոհվածների մարմինների փոխանակման մեկնարկը նախատեսվում է հաջորդ շաբաթ։
Այս մասին հայտնել է Ուկրաինայի գլխավոր հետախուզական վարչության ղեկավար Կիրիլ Բուդանովը։
«Ստամբուլում բանակցությունների արդյունքներով հայրենադարձության աշխատանքների մեկնարկը նախատեսվում է հաջորդ շաբաթ, ինչի մասին երեքշաբթի տեղեկացվել են լիազորված անձինք։ Ամեն ինչ ընթանում է ըստ պլանի՝ չնայած թշնամու կեղտոտ տեղեկատվական խաղին»,- գրել է նա։
Բուդանովն ընդգծել է, որ Ուկրաինան բախվում է տեղեկատվական ճնշման և փորձերի՝ միանձնյա թելադրելու փոխանակման գործընթացի պարամետրերը։
