Իրանում հայտնել են Իսրայելի մեծածավալ ռազմավարական գաղտնի փաստաթղթերին տիրանալու մասին. ԶԼՄ
Իրանի հետախուզական ծառայությունները Իսրայելի հսկայածավալ ռազմավարական և գաղտնի տեղեկատվություն ու փաստաթղթերի են տիրացել:
Այս մասին հայտնում է IRIB լրատվական գործակալությունը՝ հղում անելով իրազեկ աղբյուրներին:
Գործակալության տվյալներով՝ Իրանի հետախուզական ծառայությունը ստացել է Իսրայելի վերաբերյալ ռազմավարական և զգայուն տեղեկատվությամբ փաստաթղթերի հսկայական քանակություն, այդ թվում ՝ միջուկային ծրագրերի ու օբյեկտների հետ կապված:
Ըստ աղբյուրի՝ չնայած այն հանգամանքին, որ վերոհիշյալ փաստաթղթերը ձեռք բերելու գործողությունը կատարվել է որոշ ժամանակ առաջ, դրանց մեծ ծավալը և ամբողջ խմբաքանակն անվտանգ տեղափոխելու անհրաժեշտությունը հանգեցրել են տեղեկատվական լռությանը, որպեսզի դրանք հասնեն համապատասխան պահպանվող վայր:
Նշվում է, որ, փաստաթղթերի առատությամբ պայմանավորված, դրանց ուսումնասիրության և պատկերների, տեսանյութերի դիտման համար զգալի ժամանակ կպահանջվի:
