ՔՊ-ականներին տրված է շանս՝ ոչ թե վաղը մյուս օրն ուրանալ Փաշինյանին, ինչպես նա է ուրանում Լևոն Տեր- Պետրոսյանին և ուրանալու է բոլոր ՔՊ-ականներին, այլ… Վլադիմիր Մարտիրոսյան
Քաղաքական գիտությունների թեկնածու, դոցենտ, ԵՊՀ «Եվրոպական ուսումնասիրությունների կենտրոնի» ղեկավար Վլադիմիր Մարտիրոսյանը ֆեյսբուքյան իր էջում գրում է․
«Այն, որ ՔՊ ականները նույն բանն են անելու (շատ ավելի վատ ու անբարո) իրենց քաղաքական հոր հետ, ինչ հիմա անում է իրենց քաղաքական հայրը իրենց քաղաքական պապու հետ կասկածի տեղիք չի տալիս, քաղաքական գենից չես փախչի:
Բայց նրանց տրված է քաղաքական հեռատեսություն գործարկելու բացառիկ շանս, այն է՝ ոչ թե վաղը մյուս օրը անբարո ձևով ուրանալ Փաշինյանին, ինչպես Փաշինյանն է ուրանում Լևոն տեր Պետրոսյանին հիմա և ուրանալու է բոլոր ՔՊ-ականներին վաղը, այլ հիմա նախաձեռնել քաղաքական հեռատեսություն և ուրացման փոխարեն կիրառել իրենց տրված անվստահության գործիքը: Այն գոնե, թե քաղաքական գործիք է և հիմնավոր:
Վաղը, երբ ուրանաք բարոյապես, իսկ դա անխուսափելի է, որովհետև դե ձեր քաղաքական գենի մեջ դա կա, անիմաստ և ուշ է լինելու և փոշմանելու եք, որ այսօր դա քաղաքականապես չէիք արել»:
