Թրամփը ՆԱՍԱ-ի ղեկավարի պաշտոնի նոր թեկնածու կհայտարարի
ԱՄՆ նախագահ Դոնալդ Թրամփը Truth Social սոցիալական ցանցում հայտնել է, որ մտադիր է հայտարարել Օդագնացության և տիեզերական տարածության հետազոտման ազգային գործակալության (ՆԱՍԱ) ղեկավարի պաշտոնի նոր թեկնածուի անունը՝ Ջարեդ Այզեքմանի թեկնածությունը հետ կանչելուց հետո։
«Նախկին կապերի մանրակրկիտ վերլուծությունից հետո ես հետ եմ կանչում Ջարեդ Այզեքմանի թեկնածությունը ՆԱՍԱ-ի ղեկավարի պաշտոնից։ Մոտ ժամանակներս ես կհայտարարեմ նոր թեկնածուի անունը, որը կկենտրոնանա առաքելությունների վրա և Ամերիկան առաջին տեղում կդնի տիեզերքում։ Շնորհակալություն այս հարցին ուշադրություն դարձնելու համար», – գրել է ԱՄՆ նախագահը։
