Նաթանյահուն Բեն-Գուրիոն օդանավակայանի հրթիռակոծությունից հետո սպառնացել է պատասխանել և՛ հութիներին, և՛ Իրանին
Իսրայելի վարչապետ Բենիամին Նաթանյահուն Բեն-Գուրիոն օդանավակայանի հրթիռակոծությունից հետո սպառնացել է պատասխանել և՛ հութիներին, և՛ Իրանին։
Մասնավորապես, Նաթանյահուն X սոցիալական ցանցի իր էջում հրապարակել է ԱՄՆ նախագահ Դոնալդ Թրամփի այս տարվա մարտի 17-ի գրառումը, որում ԱՄՆ նախագահը մեղադրել էր Իրանին հութիների հարձակումներին առնչություն ունենալու մեջ։
«Նախագահ Թրամփը բացարձակապես ճիշտ է։ Հութիների հարձակումները գալիս են Իրանից։ Իսրայելը կպատասխանի մեր գլխավոր օդանավակայանի վրա հութիների հարձակմանը։ Եվ, ցանկացած ժամանակ և մեր ընտրած ցանկացած վայրում, նրանց իրանցի տեր-ահաբեկիչներին», – գրել է Նաթանյահուն X սոցիալական ցանցում
