Արարատ Միրզոյանը շնորհավորել է Մարգուս Ցահքնային Էստոնիայի Անկախության օրվա առթիվ
Հայաստանի Հանրապետության արտաքին գործերի նախարար Արարատ Միրզոյանը շնորհավորական ուղերձ է հղել Էստոնիայի իր գործընկեր Մարգուս Ցահքնային երկրի Անկախության օրվա առթիվ։ Այս մասին նշված է ՀՀ ԱԳ նախարարի X-ի միկրոբլոգում տարածված գրառման մեջ։
«Լավագույն մաղթանքներն եմ հղում իմ լավ գործընկեր և բարեկամ Մարգուս Ցահքնային՝ Էստոնիայի անկախության օրվա առթիվ։ Մեր ներգրավվածությունն ուժեղ է, այն արտացոլված է ինչպես երկկողմ, այնպես էլ բազմակողմ օրակարգում։ Ցանկանում եմ շարունակել այս բարեկամությունը դեպի նոր հանգրվաններ»,-նշել է Արարատ Միրզոյանը։
