ԵԱՏՄ անդամ երկրներից գնաճի ամենացածր ցուցանիշը Հայաստանում է. վիճակագրություն

Եվրասիական տնտեսական միությունը նոյեմբերին ԵԱՏՄ անդամ երկրներում գնաճի մակարդակի մոնիտորինգ է արել:

Նոյեմբերի վերջին Եվրասիական տնտեսական միության երկրներում գնաճի տարեկան ցուցանիշը կազմել է.

Հայաստանում՝ 1,4%,

Բելառուսում՝ 5,5%,

Ղազախստանում՝ 8,4%,

Ղրղզստանում՝ 5,7%,

Ռուսաստանում՝ 8,9%։

2023 թվականի նոյեմբերի համեմատ Ղազախստանում նկատվում է տարեկան գնաճի դանդաղում 1,9 տոկոսային կետով, իսկ Ղրղզստանում՝ 2,4 տոկոսային կետով, Բելառուսում գնաճի աննշան արագացում է նկատվում՝ 0,1 տոկոսային կետով, իսկ Ռուսաստանում՝ 1,4 տոկոսային կետով, Հայաստանում գների անկումը փոխվել է գնաճի։

Սպառողական գների կառուցվածքում պարենային ապրանքների գնաճի դանդաղում է գրանցվել Ղազախստանում և Ղրղզստանում, ոչ պարենային ապրանքների գնաճի դանդաղում է արձանագրվել Հայաստանում, Ղազախստանում և Ղրղզստանում, իսկ Բելառուսում և Ղրղզստանում՝ ծառայությունների ոլորտում:

2024 թվականի ընթացքում, գների դինամիկայի դանդաղման պայմաններում, Հայաստանի Կենտրոնական բանկը և Ղրղզստանի Ազգային բանկը նվազեցրել են առանցքային տոկոսադրույքները մինչև 7,0% և 9,0%: Բելառուսի Ազգային բանկը տոկոսադրույքը պահել է անփոփոխ՝ 9,5%, իսկ Ղազախստանի Ազգային բանկը և Ռուսաստանի Կենտրոնական բանկը բարձրացրել են շուրջ 15,25%-ով և 21,0%-ով։