Իրանի ԻՀՊԿ-ն ռազմական խաղերի մոդելավորման կենտրոն է բացել
Իրանի Իսլամական հեղափոխության պահապանների կորպուսը (ԻՀՊԿ) մայրաքաղաք Թեհրանում իր հրամանատարաշտաբային համալսարանում ռազմական խաղերի մոդելավորման կենտրոն է բացել, հայտնում է Mehr-ը։
ԻՀՊԿ գլխավոր հրամանատար, գեներալ-մայոր Հոսեյն Սալամին ռազմական խաղերի մոդելավորման կենտրոնը բացել է կիրակի առավոտյան։ Ռազմական գործողությունների մոդելավորումը ռազմագիտության հայեցակարգ է, որը վերաբերում է մարտական գործողությունների սցենարների մոդելավորմանը:
Իրանի զինված ուժերի հրամանատարներն ու ղեկավարները կարող են օգտագործել ռազմական գործողությունների մոդելավորման կենտրոնները՝ մարտի դաշտում իրավիճակի առավել ճշգրիտ կանխատեսումներ, պլանավորում և գնահատականներ ստանալու համար, գրում է իրանական լրատվամիջոցը։
