Չինաստանը պատրաստ է Հայաստանի հետ սերտորեն համագործակցել ատոմային էներգետիկայի ոլորտում
Չինաստանը պատրաստ է Հայաստանի հետ սերտորեն համագործակցել ատոմային էներգետիկայի ոլորտում։ Լրագրողների հետ զրույցում այս մասին հայտարարեց Հայաստանում Չինաստանի գործերի ժամանակավոր հավատարմատար Մին Չենը` պատասխանելով Sputnik Արմենիայի հարցին։
«Մենք տեղեկացված ենք նոր ատոմակայանի կառուցման մտադրության մասին։ Ըստ հայկական կողմի պահանջների ու անհրաժեշտության` պատրաստ ենք մասնակցել այս բոլոր ծրագրերին ու օգնել հայ ժողովրդին բարելավել կենսամակարդակը»,- ասաց նա։
Ժամանակավոր հավատարմատարը հիշեցրեց, որ այժմ չինական կողմը Գեղարքունիքի մարզում ֆոտովոլտային կայան է կառուցում, որը շուտով շահագործման կհանձնվի:
