ՀՀ պատվիրակների մեքենաներն արդեն Մարգարայի անցակետում են
Մարգարայի նոր վերանորոգված անցակետում այսօր նախատեսված է Հայաստանի և Թուրքիայի հարաբերությունների կարգավորման հարցերով հատուկ բանագնացների հանդիպումը. Հայաստանի պատվիրակների ավտոմեքենաներն արդեն ներսում են։
Սահմանապահներն «Ազատության»-ը չթույլատրեցին դարպասներից ներս մտնել, սակայն, նշեցին, որ իրենց տեղեկություններով, հանդիպումը կմեկնարկի մոտավորապես ժամը 11-ին։
Երեկ արտգործնախարարությունը հայտարարեց՝ երկու տարվա դադարից հետո Ռուբինյանն ու Քըլըչը սահմանին հանդիպելու են։ Այլ մանրամասներ գերատեսչությունը չէր հաղորդել։
