Փլվածքի հետևանքով երկկողմանի փակված Լծեն-Տաթև ճանապարհն այս պահին միակողմանի գործում է. Լծենի ղեկավար
Երեկ երեկոյան Ճանապարհային դեպարտամենտ հիմնադրամը տեղեկացրել էր, որ Լծեն-Տաթև ճանապարհահատվածում՝ Մ-2 միջպետական ճանապարհի 234-րդ կմ-ում փլվածք է տեղի ունեցել։ Փլվածքի հետևանքով ճանապարհը երկկողմանի փակ է։
168.am-ի հետ զրույցում Լծենի վարչական ղեկավար Խաչատուր Պետրոսյանն ասաց, որ այս պահին ճանապարհը միակողմանի բաց է։
«Սա գյուղին չի վերաբերում, գյուղից հետո Լծեն-Տաթև գնացող միջապետական ճանապարհն է։ Այս պահին ճանապարհը միակողմանի բաց է, աշխատանքներ են տարվում, որպեսզի երկկողմանի բաց լինի։ Փլված հողի քանակը շատ-շատ է եղել, այս պահին մաքրվում է։
Սա շատ կարևոր ճանապարհ է՝ դեպի Իրան գնացող։ Այս պահին շարժը կանգնած չէ, մի կողմով մարդիկ գնում-գալիս են»,- նշեց Լծենի գյուղապետը։
