«Ի՞նչն է Տոյվո Կլաարի ողջույնի հարցում էականը». Հակոբ Բադալյան
Քաղաքական վերլուծաբան Հակոբ Բադալյանը ֆեյսբուքյան իր էջում գրում է․ «Տոյվո Կլարը ողջունում է Տավուշի մասին Հայաստանի ևԱդրբեջանի պայմանավորվածությունները:
Սա ի գիտություն՝ «ինչ կապ ունի ապրիլի 5-ի» մասին հարցադրումների:
Իսկ ի՞նչն է Տոյվո Կլաարի ողջույնի հարցում էականը: Այն, որ նույն Տոյվո Կլաարը մի քանի օր առաջ պատասխանելով Ադրբեջանի կրակոցների մասին հարցին՝ որ մի քանի օր շարունակ ուղեկցել էին ապրիլի 5-ը, ասում է՝ «չկենտրոնանանք կրակոցների վրա, այլ բանակցության»: Եվ ասում է՝ հարցը այնպիսին է, որ չպետք է խլի երկար ժամանակ:
Օրեր անց կայացվում է այս համաձայնությունը եւ Տոյվո Կլաարը ողջունում է այն:
Եվ կրկին, ընդգծեմ, «սովորության» կամ «ավանդույթի» համաձայն պետք չէ սա ընկալել, որ Կլաարը չարն է, վատն է, եւ այլն, եւ այլն: Կլաարը Կլարն է, Եվրամիության, դրա ներկայիս գլխավոր հովանավոր ԱՄՆ շահերով, հետաքրքրություններով, խնդիրներով, որոնք էլ սպասարկում է: Կլաարը, և որևէ մեկը, մեղավոր չէ մեր քաղաքական կարճատեսության, քաղաքական տկարամտության, քաղաքական ինքնախաբեության, քաղաքական սուբյեկտի փոխարեն «ֆան ակումբի» մտածողության կրող լինելու համար: Դրա մասին Կլաարը կամ Բլինքենը չէ, որ պետք է մտածեն, այլ մենք»:
