Մեղրիում վթարված «Ուրալ»-ը ծանրաբեռնված է եղել՝ տեղափոխել երկու դիրքի անձնակազմի․ «Փաստինֆո»
«Փաստինֆո»-ն տեղեկություններով՝ զինծառայողներին տեղափոխող ՊՆ-ի Ուրալ մակնիշի մեքենան վթարի է ենթարկել Մեղրիում՝ հերթափոխի անձնակազմի տեղափոխությունն իրականացնելիս։
Կայքի աղբյուրի փոխանցմամբ՝ Ուրալը եղել է ծանրաբեռնված, որի մեջ եղել է երկու դիրքի անձնակազմ, իսկ վարորդը՝ ժամկետային զինծառայող՝ ոչ մեծ փորձառությամբ։
ՊՆ-ն պաշտոնապես հայտնել է, որ այսօր՝ ժամը 15:25-ի սահմաններում, ՀՀ ՊՆ N զորամասի զինծառայողներին տեղափոխող «Ուրալ» մակնիշի ավտոմեքենան դեռևս չպարզված հանգամանքներում դուրս է եկել ճանապարհի երթևեկելի հատվածից և հայտնվել հարակից ձորակի տարածքում:
Պաշտպանության նախարարությունը հաղորդել է, որ վթարի հետևանքով վիրավորում է ստացել 20 զինծառայող, որոնցից մեկի վիճակը գնահատվում է ծայրահեղ ծանր: «Մյուսներն ունեն ծանր, միջին ու թեթև աստիճանի վնասվածքներ»,- հայտնում են գերատեսչությունից։
