Իլոն Մասկը մտադիր է Մարս ուղարկել մոտ 1 միլիոն մարդ
Իլոն Մասկը մտադիր է Մարս ուղարկել մոտ 1 միլիոն մարդ, սակայն մինչ այդ նրա ընկերությունը նախատեսում է բազա կառուցել Լուսնի վրա։ Ամերիկացի ձեռներեցն այս մասին խոսել է SpaceX-ում տեղի ունեցած միջոցառման ժամանակ։
Նրա խոսքով՝ հաջորդ տարի ընկերությունը նախատեսում է ներդնել տիեզերական վառելիքի լիցքավորման համակարգ՝ վառելիքը մի նավից մյուսը տեղափոխելու համար։ Դեպի Մարս թռիչքի ժամանակ կպահանջվի առնվազն 5-6 նման լիցքավորում։
Բացի այդ, SpaceX-ը կենտրոնանալու է Starship 3 նավի ստեղծման վրա, քանի որ հարյուրավոր այդպիսի նավեր կպահանջվեն Մարսը նվաճելու համար։
