Լռելը նշանակում է համաձայնել, թույլ տալ, որ սա անընդհատ կրկնվի․ Մանե Թանդիլյանը` Ծառուկյանի գործի մասին
«Այս խեղված պոպուլիզմն ու խեղված ժողովրդավարությունը, որ մեզ մատուցվում է, պետք է գար իբրև թե պաշտպանելու նման արժեքները։ ԵԽԽՎ-ի արժեքների մեջ է կարծեք թե մտնում խոսքի ազատությունը, մարդկանց ազատ գործունեությունը, բայց մենք այսօր լռություն ենք տեսնում, ինչն անընդունելի է»,- ասուլիսում ասաց Ծառուկյանի և մյուս քաղբանտարկյալների պաշտպանության խորհրդի անդամ, «Ապրելու երկիր» կուսակցության համահիմնադիր Մանե Թանդիլյանը։
Նա շեշտեց, որ իրենց պայքարը նաև Բաքվում պահվող հայ գերիների համար է, որոնք ոչ միայն քաղբանտարկյալ են, այլև հետապնդվում են էթնիկ պատկանելության և իրենց հայրենիքը պաշտպանելու համար։
