Ճուտը՝ շերտավոր խմորի մեջ

Բաղադրիչները՝

• 3 հատ ճուտ
• 1 կգ շերտավոր խմոր
• 150 գ հավի լյարդ
• 150 գ հավի սիրտ
• 250 գ մսի խճողակ
• 2 գլուխ սոխ
• 100 գ ցորենի հաց
• 1 բաժակ կաթ
• 1 ճ.գ. տոմատի մածուկ
• 2 հատ ձու
• 3 ճ.գ. ձվաջուր
• 2 ճ.գ. մանանեխ (горчица)
• աղացած սպիտակ պղպեղ, աղ

Պատրաստման եղանակը

Ճտերը ներսից ու արտաքինից պատեք աղով, պղպեղով ու մանանեխով:

Միջուկի համար լյարդն ու սիրտը մանր կտրատեք: Խառնեք մսի խճողակի, կաթով թրջած ու քամած հացի, տոմատի մածուկի, կտրտած սոխի ու ձվերի հետ, աղ ու պղպեղ արեք, խառնեք:

Ճտերը լցոնեք ստացված զանգվածով, փորիկները կարեք կամ փայտիկներով ամրացրեք:

Խմորը բարակ բացեք, 3 մասի բաժանեք, դրանցով փաթաթեք ճտերը: Խմորի վրա անցքեր արեք: Ճտերը տեղադրեք 200 աստիճան ցելսիուս տաքության ջեռոցում մինչև պատրաստ լինելը: Պատրաստ լինելուց 15 րոպե առաջ պատեք ձվաջրով:

Մատուցելիս ճտերը համաչափ մասերի բաժանեք: Մատուցեք կտրտած բանջարեղենի հետ: