Ամանորյա 15 անսովոր ավանդույթները աշխարհում
Յուրաքանչյուր ոք ունի Ամանորը դիմավորելու իր ավանդույթները: Ոմանք նախընտրում են հանգիստ երեկոն, որն անցկացնում են ընկերների հետ կամ՝ տնական ամանորյա ընթրիքը, կամ էլ՝ կարաոկեներից մեկում զվարճանալը: Իրականում ցանկացած ընտրություն լավ է, եթե այն վայելում եք:
Մեծ նշանակություն ունի նաև այն, թե դուք որտեղ եք ապրում, քանի որ տարբեր երկրներում տարբեր ավանդույթներ կան։
Օրինակ, խորհրդանշական գույներ կրելուց մինչև դռան վրա աղ ցողելը կարող է խրախուսել գալիք տարվա հաջողությունը, առատությունը և ֆինանսական հաջողությունը: Ստորև ներկայացնում ենք 15 ավանդույթներ, որոնք աշխարհի տարբեր երկրներում համարվում են հաջողության գրավականներ.
Խաղող՝ հաջողության համար
Իսպանիայում մարդիկ կեսգիշերին 12 հատիկ խաղող են ուտում։ Այս ավանդույթ սկիզբ է առել դեռևս 19-րդ դարի վերջին։ Այս սովորույթի հեղինակները խաղողագործներն են եղել, որոնք այս կերպ փորձում էին տարեվերջին ավելի շատ խաղող վաճառել: Իսպանացիները յուրաքանչյուր զանգի հետ մեկ խաղող են ուտում, ինչը, ինչպես ենթադրվում է, բերում է բարեկեցության:
Դատարկ ճամպրուկ
Եթե ցանկանում ենք տարվա ընթացքում շատ ճանապարհորդել, ուրեմն արեք այնպես, ինչպես անում են Կոլումբիայում։ Վերցրեք դատարկ ճամպրուկն ու պտտվեք թաղամասով մեկ։ տանեք բլոկի շուրջը: Դա ենթադրում է, որ դուք շատ շրջագայություններ կունենաք։
«Առաջին ոտքը»
Շոտլանդիայում Ամանորին ընդունված է «First Footing»-ը: Շոտլանդացիները կարծում են, որ առաջին մարդը, ով կեսգիշերից հետո կանցնի իրենց տան շեմը, ցանկալի է, որ լինի մուգ մազերով տղամարդ, որը կարող է բերել հաջողակ նոր տարի:
Սպիտակ ծաղիկներ նետել օվկիանոսում
Բրազիլացիները սովորություն ունեն ամեն նոր տարի սպիտակ ծաղիկներ նետել ծովը: Բնակիչները ծաղիկներ և մոմեր են նետում Ատլանտյան օվկիանոս՝ որպես ընծա Յեմոջային՝ Ջրի աստծուն, որը կարող է լավ բաներ փոխանցել գալիք տարում:
Սոբա լապշա
Ճապոնիայում Նոր տարին դիմավորում են՝ ուտելով սոբայի կամ հնդկացորենի ալյուրից պատրաստված լապշա, որոնք ստացել են «տարեկան հատվող արիշտա» մականունը, և թեև այս ավանդույթի ծագումը ճշգրիտ հայտնի չէ, ընդհանուր առմամբ, մարդիկ կարծում են, որ երկար արիշտաները երկար կյանք են խորհրդանշում:
Հաջողակ խոզ
Խոզերի և Նոր տարվա միջև, պարզվում է՝ կապ կա, համենայնդեպս Գերմանիայում: Գերմանացիներն այս սովորույթն անվանում են «Glücksschwein», որը թարգմանաբար նշանակում է «հաջողակ խոզ»: Խոզերը գերմանացիների տներում հայտնվում են մարցիպանի տեսքով, և նրանց վրա քթելը կարող է բարեկեցություն բերել Նոր տարում:
Ամանորյա խնջույք
Ամանորին ԱՄՆ-ում սնունդը, անշուշտ, կարևոր նշանակություն ունի, բայց Ֆրանսիայում դա առանձնահատուկ կարևորություն ունի: Ոստրեներից ու լոբստերից պատրաստված ուտեստը, որը կոչվում է «Նոր տարվա գիշեր», խորհրդանշում է Ամանորի հովանավոր Սուրբի «արթնացումը»։
Կարմիրը՝ հաջողության գրավական
Կարմիրը հաջողության և երջանկության խորհրդանիշ է համարվում Չինաստանում։ Ամանորին Չինաստանում դուք կարմիր երանգներով բազմաթիվ զարդեր, նվերների փաթեթներ և լապտերներ կտեսնեք։
Նռով հարվածել դռներին
Անկախ նրանից, թե տարվա որ եղանակն է, Հունաստանում նուռը շատ կարևոր է։ Հունական դիցաբանության մեջ այս պտուղը խորհրդանշում է առատություն և կյանք։ Հենց Ամանորի կեսգիշերից հետո հույները նռով հարվածում են իրենց տան դռներին. գետնին ընկած սերմերի քանակը խորհրդանշում է, թե որքան հաջողություն կարող եք ակնկալել նոր տարում:
Հույների սովորություններից է նաև Ամանորին տան դռան վրա սոխ կախելը, որը խորհրդանշում է նոր կյանք: Ծնողները Ամանորին արթնացնում են երեխաներին՝ սոխով հարվածելով նրանց գլխին։
Մաքրել փղոցները, մեքենաները…
Նոր տարվա սկզբին Պուերտո Ռիկոն ամենամաքուր երկիրն է, քանի որ նրանց ավանդույթն է մաքրել իրենց տներն ու քաղաքները՝ փակ տարածքներից մինչև մեքենաներ և փողոցներ: Սա նոր տարում թարմ էներգիայով սկսելու միջոց է:
Պուերտո Ռիկոյում ամանորյա մեկ այլ ավանդույթ էլ կա. կեսգիշերին դույլով կամ բաժակով ջուր են թափում պատուհանից՝ հին տարին մաքրելու և չար ոգիներին հեռացնելու համար:
Խնձոր կտրատել
Թեև մենք սովոր ենք կարկանդակի համար խնձոր կտրատել, սակայն Ամանորին Չեխիայում կտրատած խնձորները բացառիկ նշանակություն ունեն: Ամանորի գիշերը Չեխիայի բնակիչները խնձորները կիսում են մեջտեղից, և կտրած հատվածը՝ կորիզի, ցույց է տալիս, թե ինչ կարելի է սպասել գալիք տարում:
Օրինակ, եթե կտրած հատվածը աստղի է նման՝ լավ է, իսկ խաչը կարող է կանխագուշակել ապագա հիվանդությունը:
Ոսպը՝ հաջողության գրավական
Իտալիան հայտնի է այնպիսի ուտեստներով, ինչպիսիք են սպագետին և լինգուինին, բայց Ամանորի տոնակատարությունների ժամանակ ամեն ինչ վերաբերում է ոսպին:
Իտալացիները ոսպը դիտարկում են որպես թեթև նախուտեստ, և եթե այն ներառեք ձեր ամանորյա ընթրիքի մեջ, այն որոշակի հաջողություն կբերի ձեր կյանքում:
Աղ շաղ տալ
Եթե ԱՄՆ-ում և մի շարք երկրներում աղը թափելը կարող է անհաջողություն խորհրդանշել, ապա Թուրքիայում աղ շաղ տալը խրախուսվում է: Թուրքերը կեսգիշերին աղ են շաղ տալիս իրենց դռան շեմին, ինչը, նրանց պատկերացմամբ՝ կարող է հաջողություն բերել նոր տարում:
Երեք կարտոֆիլ
Ամանորի գիշերը կոլումբիացիներն իրենց մահճակալների տակ դնում են մեկ հատ կեղևով, մեկ հատ կեղևահանված և մեկ հատ էլ կիսակեղև կարտոֆիլ:
Երբ ժամացույցն ազդարարում է կեսգիշերը, նրանք առանց նայելու մահճակալի տակից հանում են առաջին պատահած կարտոֆիլը, որը տարբեր նշանակություն ունի։ Օրինակ՝ կեղևով կարտոֆիլը նշանակում է ֆինանսական կորուստ, մաքրված կարտոֆիլը լավ տարի է խոստանում։ Իսկ կիսակճեպ կարտոֆիլը տարվա լավի ու վատի խառնուրդ է խորհրդանշում։
Աթոռներից ցատկել
Այս կղզու երկրում բնակիչները տան դռան վրա սոխ են կախում, որը խորհրդանշում է նոր կյանք: Ծնողները Ամանորին արթնացնում են երեխաներին՝ սոխով հարվածելով նրանց գլխին։
Միգուցե նախկինում դուք և ձեր ընկերները զվարճանալու համար երեկույթների ժամանակ թռչկոտում էիք աթոռներից, բայց Դանիայում դա իսկական ամանորյա ավանդույթ է:
Այնտեղ մարդիկ փորձում են կեսգիշերին ցատկել իրենց աթոռներից, ինչը խորհրդանշում է առաջ նետվել դեպի նոր տարի:
Գունավոր ներքնազգեստ
Բրազիլիայում ավանդույթ է Նոր տարվա տոնակատարությանը վառ գույնի ներքնազգեստ կրելը, որը հաջողություն է բերում: Կարմիրն ու դեղինը սեր և փող են բերում։ Ոսկին՝ հարստություն, սպիտակը՝ խաղաղություն։
Ռիո դե Ժանյերոյում շատերը տոնակատարությանը սպիտակ են հագնում:
