Բրազիլիայում СОР30-ի ժամանակ հազարավոր մարդիկ երթ են իրականացրել․ նրանք տանում էին Պաղեստինի հսկայական դրոշը
Հազարավոր մարդիկ երթով անցել են Բրազիլիայի Բելեմ քաղաքի փողոցներով՝ պահանջելով գործողություններ բանակցությունների մասնակիցներից, որոնք ամազոնյան քաղաքում բարդ բանակցություններ էին վարում ՄԱԿ COP30 կլիմայական համաժողովում. հաղորդել է AFP-ն։
Տեղի բնակիչները և ակտիվիստները կիզիչ արևի տակ հավաքվել էին տոնական մթնոլորտում, բարձրախոսներից հնչում էր երաժշտություն, նրանց ձեռքին հողից պատրաստված հսկայական լողափնյա գնդակ էր և Բրազիլիայի դրոշը՝ «Պաշտպանված Ամազոն» մակագրությամբ։
Սա առաջին խոշոր բողոքի ցույցն է կլիմայական ամենամյա բանակցությունների շրջանակից դուրս՝ չորս տարի առաջ Գլազգոյում կայացած COP26-ից հետո, քանի որ վերջին երեք հավաքները տեղի են ունեցել այն վայրերում, որտեղ ցույցերը չէին ողջունվում. Եգիպտոսում, Դուբայում ևԱդրբեջանում։
Բելեմում անցկացվող հանրահավաքը, որը կազմակերպիչներն անվանել են «Մեծ ժողովրդական երթ», տեղի է ունենում վիճահարույց բանակցությունների ավարտին մոտ և հաջորդում է տեղացիների կազմակերպած բողոքի երկու ցույցերին, որոնք խաթարել էին գործընթացը շաբաթվա սկզբին։
Նրանց պահանջները ներառում էին «վնասի փոխհատուցում», որը պատճառել էին կորպորացիաները ևկառավարությունները, հատկապես մարգինալացված համայնքներին։ Ոմանք նաև տանում էին հսկայական պաղեստինյան դրոշը և «Ազատ Պաղեստին» մակագրությամբ պաստառ։
