Բժիշկը զգուշացրել է կտրուկ ոտքի կանգնելուց հետո գլխապտույտի վտանգի մասին
Թերապևտ Սթիվեն Յուրաշեկը կտրուկ ոտքի կանգնելուց հետո երկարատև գլխապտույտը վտանգավոր հիվանդությունների ախտանիշ է անվանել։ Փորձագետը LifeScience-ին պատմել է, թե որ դեպքերում այս խնդրին բախվելիս պետք է դիմել բժշկի։
Բժիշկը նշել է, որ գլխապտույտը տարածված է և հաճախ անհանգստանալու պատճառ չկա։ Մասնագետը բացատրել է, որ այս ռեակցիան, որը բժշկության մեջ հայտնի է որպես օրթոստատիկ հիպոթենզիա, առաջանում է մարմնի դիրքի արագ փոփոխությունների պատճառով։ Այս դեպքում մարդը կարող է մի պահ կորցնել հավասարակշռությունը կամ զգալ աչքերի առաջ մթագնում, ըստ shantnews-ի՝ հավելել է նա։
Այս վիճակն արագ կայունանում է, նշել է բժիշկը։ Այնուամենայնիվ, եթե մարդը հիվանդ է կամ ջրազրկված, այս գործընթացը կարող է ավելի երկար տևել: Եթե գլխապտույտը տեւում է ավելի քան երեք րոպե, ապա պետք է դիմել բժշկի, զգուշացրել է Յուրաշեկը։
Հազվագյուտ դեպքերում արթնանալուց հետո երկարատև գլխապտույտը կարող է նյարդային վնասվածքի նշան լինել, ասում է նա։ Գլխապտույտ կարող է առաջանալ նաև սրտի ցածր հաճախականության, արյան շաքարի ցածր մակարդակի կամ վահանաձև գեղձի որոշ հիվանդությունների դեպքում:
Բացի այդ, ըստ նրա, գլխապտույտը կարող է նաև ազդարարել սրտի անբավարարության, վիտամին B12-ի պակասի, Պարկինսոնի և Ալցհեյմերի հիվանդությունների, անեմիայի և աթերոսկլերոզի մասին:
