Առանց Ուկրաինայի՝ Ուկրաինայի հարցում ոչինչ հնարավոր չէ. Եվրահանձնաժողովի նախագահ
Եվրոպական խորհրդի նախագահը և ես զրուցել ենք Ուկրաինայի նախագահ Վլադիմիր Զելենսկու հետ. X-ի իր էջում հայտարարել է Եվրոպական հանձնաժողովի նախագահ Ուրսուլա ֆոն դեր Լայենը։
«Հենց սկզբից Եվրոպան կանգնած է եղել Ուկրաինայի կողքին՝ ռուսական ագրեսիայի դեմ առ դեմ։ Մենք՝ մեր ընկերների և գործընկերների հետ միասին, աշխատում ենք արդար և երկարատև խաղաղության ուղղությամբ՝ Ուկրաինայի հետ և Ուկրաինայի համար։
Այսօր մենք քննարկեցինք ստեղծված իրավիճակը և հստակորեն գիտակցում ենք, որ առանց Ուկրաինայի՝ Ուկրաինայի հարցում ոչինչ հնարավոր չէ։ Որպես հաջորդ քայլ՝ եվրոպացի առաջնորդները կհանդիպեն վաղը G20 գագաթնաժողովի շրջանակում, իսկ հետո՝ Անգոլայում՝ ԵՄ-Աֆրիկյան Միության հանդիպմանը»,- նշել է նա։
