Սա պատասխան այց է. Բաքու մեկնած քաղհասարակության ներկայացուցիչներ
Անվտանգային քաղաքականության հետազոտական կենտրոնը պարզաբանել է Բաքու այցի նպատակը:
Հիշեցնենք՝ այսօր Հայաստանի քաղաքացիական հասարակության ներկայացուցիչների մի խումբ ժամանել է Ադրբեջանի մայրաքաղաք։
«Սա պատասխան այց է՝ 2025 թվականի հոկտեմբերի 21–22-ը Հայաստանի մայրաքաղաք կատարած ադրբեջանական պատվիրակության այցին։
Ադրբեջանի և Հայաստանի քաղաքացիական հասարակության ներկայացուցիչները շարունակում են երկխոսությունը խաղաղության օրակարգի շրջանակում, որը հաստատվել է օգոստոսի 8-ին Վաշինգտոնում ընդունված համատեղ հռչակագրից հետո»,- նշվում է հետազոտական կենտրոնի տարածած հրապարակման մեջ:
Ավելի վաղ մամուլը գրել էր, որ Բաքու ժամանած ներկայացուցիչներն են Երևանի մամուլի ակումբի պատվավոր նախագահ Բորիս Նավասարդյանը, քաղաքագետներ՝ Արեգ Քոչինյանը, Նարեկ Մինասյանը, Սամվել Մելիքսեթյանը, իրավապաշտպան Նաիրա Սուլթանյանը։
