10-րդ դասարանի աշակերտներից մեկը գազ էր փչել, խոստովանել է արարքը․ Մուսալեռի դպրոցի տնօրեն. tert.am
10-րդ դասարանի աշակերտներից մեկը «պերցովկայով» գազի բալոն է դպրոցի 2-րդ և 3-րդ հարկերի արանքում փչել է, որից հետո աշակերտների մոտ հազ է սկսվել։ Այս մասին Tert.am-ի հետ զրույցում տեղեկացրեց Մուսալեռի Ֆրանց Վերֆելի անվան միջնակարգ դպրոցի տնօրեն Նաիրա Սվարյանը։
Տնօրենը հայտնեց, որ այս պահին ինքը, աշակերտն ու ծնողը Վաղարշապատի ոստիկանության բաժնում են, և աշակերտը խոստովանել է արարքը։
«Հիմարաբար է վարվել, որ իր արարքի վտանգավորությունն իմանար այդպիսի բան կանե՞ր, քույրն էլ է դպրոցում եղել։ Բժշկուհին էլ ասեց, որ դա թունավորում չի առաջացնում, բայց գրգռում է վերին շնչուղիները և հազ է սկսվում»,- մանրամասնեց Սվարյանը։
Դպրոցի տնօրենի խոսքով՝ հոսպիտալացվածների վիճակն արդեն լավ է․ 6 երեխա էին տեղափոխվել ԲԿ-ներ, 3-ն արդեն դուրս են գրվել, մյուսներն էլ շուտով դուրս կգրվեն։
Հիշեցնենք, որ Մուսալեռի դպրոցի աշակերտների և ուսուցիչների մոտ անսովոր հազ էր սկսվել, վատացել էր նաև նրանց ինքնազգացողություն։
Աշակերտներից մի քանիսը տեղափոխվել են «Վաղարշապատ» բժշկական կենտրոն, մեկն էլ՝ «Մուրացան»
