Արարատ Միրզոյանը ոչ պաշտոնական հանդիպում է ունեցել Հունաստանի ԱԳ նախարարի հետ
ՀՀ արտաքին գործերի նախարար Արարատ Միրզոյանը Բրյուսելում ԵՄ արտգործնախարարների խորհրդի նիստի շրջանակում ոչ պաշտոնական հանդիպում է ունեցել Հունաստանի արտաքին գործերի նախարար Յորղոս Գերապետրիտիսի հետ։ Այս մասին տեղեկանում ենք Հունաստանի Արտաքին գործերի նախարարության X-ի պաշտոնական էջից։
Հիշեցնենք, որ այսօրվանից մեկնարկել է ԵՄ արտգործնախարարների խորհրդի նիստը՝ Եվրամիության արտաքին հարաբերությունների և անվտանգության քաղաքականության հարցերով բարձր ներկայացուցիչ Ժոզեպ Բորելի նախագահությամբ։
