ՀԱՄԱՍ-ն ու Իսրայելը փոխանակել են պատանդների և գերիների 2-րդ խմբին. ընդհանուր ազատ է արձակվել 59 մարդ
Պաղեստինյան ՀԱՄԱՍ խմբավորումը և Իսրայելը կիրակի գիշեր իրականացրել են պատանդների և գերիների երկրորդ փոխանակումը։ Շաբաթ օրը գործարքը տապալման եզրին էր այն բանից հետո, երբ պաղեստինյան շարժումը մեղադրել էր Թել Ավիվին Գազայի հատված հումանիտար օգնության առաքումն արգելափակելու համար: Սակայն միջնորդների ջանքերով ճգնաժամը հաղթահարվել է, և Կատարը հայտարարել է, որ ազատ կարձակվի 13 իսրայելցի պատանդ, 39 պաղեստինցի գերի, ինչպես նաև յոթ օտարերկրացի, որոնց ՀԱՄԱՍ-ը կազատի գործարքի շրջանակից դուրս։
Երևանի ժամանակով կեսգիշերից հետո ՀԱՄԱՍ-ի ռազմական թևը՝ «Ալ-Քասամ բրիգադները» հայտնել են, որ Կարմիր խաչին են հանձնել 13 իսրայելցի պատանդի և յոթ օտարերկրացու: Նրանք ուղարկվել են Գազայի հատվածի և Եգիպտոսի սահմանին գտնվող «Ռաֆահ» անցակետ, գրում է ria.ru-ն:
Մոտ մեկ ժամ անց Իսրայելի պաշտպանության բանակը հայտարարել է, որ նախկին պատանդները ժամանել են հրեական պետություն. 13 իսրայելցու մեջ կա յոթ երեխա և դեռահաս։ Անկլավից դուրս է բերվել նաև Թաիլանդի չորս քաղաքացի։ ՀԱՄԱՍ-ը հայտարարել է, որ նրանց ազատ է արձակել «ի պատասխան Թուրքիայի նախագահի ջանքերին»:
