ԵՄ-ն կարող է Վրաստանին և Մոլդովային ընդունել առանց Աբխազիայի և Մերձդնեստրի. Պետեր Ստանո
Եվրամիությունը կարող է ընդունել Վրաստանն ու Մոլդովան առանց տարածաշրջանների, որոնք Բրյուսելը համարում է այդ պետությունների մաս՝ Աբխազիան, Հարավային Օսիան և Մերձդնեստրը։ Այս մասին «Известия»-ին ասել է Եվրոպական արտաքին գործերի ծառայության ներկայացուցիչ Պետեր Ստանոն։
«Վրաստանի և Մոլդովայի եվրոպական ապագան չի կարող լինել հակամարտությունների պատանդ: Դա հաստատվել է ԵՄ ամենաբարձր քաղաքական մակարդակում։ Մենք շարունակում ենք վճռականորեն աջակցել Վրաստանի և Մոլդովայի տարածքային ամբողջականությանը և ինքնիշխանությանը»,- պարզաբանել է Ստանոն։
