Հյուսիսային Մակեդոնիայի խորհրդարանի պատգամավոր Իգոր Յանուշևին ներկայացրել եմ Ադրբեջանի կողմից Արցախի հայերին ցեղասպանելու մանրամասները. Լիլիթ Բեգլարյան
ՀՀԿ արտաքին կապերի հանձնաժողովի նախագահ Լիլիթ Բեգլարյանն իր ֆեյսբուքյան էջում գրում է. «Այսօր հանդիպել եմ Հյուսիսային Մակեդոնիայի խորհրդարանի պատգամավոր Իգոր Յանուշևին, ով Երևանում է ԵԱՀԿ Խորհրդարանական վեհաժողովի նստաշրջանի շրջանակներում։
Հանդիպման ընթացքում գործընկերոջս ներկայացրել եմ տարածաշրջանում և մեր երկրում տիրող իրավիճակը, 9-ամսյա պաշարումից հետո Ադրբեջանի կողմից Արցախում հայերի ցեղասպանության մանրամասները, միջազգային պատշաճ արձագանքի ու գործողությունների խիստ անհրաժեշտությունը։
Անդրադարձել եմ նաև Հայաստանում ժողովրդավարական արժեքների շարունակական ոտնահարումներին, քրեական գործերն ու կալանքները՝ որպես ընդդիմադիրներին լռեցնելու գործիք կիրառելու դեպքերին, քաղաքական բանտարկյալների նկատմամբ իրականացվող բռնաճնշումներին, ինչպես նաև Բաքվում մինչ օրս պահվող հայ ռազմագերիների խնդրին»։
