Նեպալում ևս մեկ հզոր երկրաշարժ է տեղի ունեցել՝ երեք օրվա ընթացքում երկրորդ անգամ
![](https://168.am/wp-content/uploads/2023/11/1123620.jpg)
Նեպալում 5,6 մագնիտուդով երկրաշարժ է տեղի ունեցել, որը զգացել են նաև Դելիում։ Այս մասին հաղորդում է The Times of India պարբերականի հրապարակումը։
Պարբերականը հիշեցնում է, որ երեք օրվա ընթացքում սա Նեպալում տեղի ունեցած երկրորդ հզոր երկրաշարժն է։ Նոյեմբերի 3-ին Նեպալում գրանցվել էր 6,4 մագնիտուդով երկրաշարժ, որը 155 մարդու կյանք էր խլել։ 250 մարդ վիրավորվել էր։ Այդ երկրաշարժի ցնցումները նույնպես զգացվել էին Հնդկաստանի հյուսիսում։
Ըստ Սեյսմոլոգիայի ազգային կենտրոնի՝ նոյեմբերի 6-ին տեղի ունեցած երկրաշարժի օջախը եղել է 10 կմ խորության վրա։
Տուժածների և ավերածությունների մասին տեղեկություններ առայժմ չեն հաղորդվում։