Գեղարքունիքի մարզում հաշվառվել է ԼՂ-ից բռնի տեղահանված 999 դպրոցական
2023 թվականի հոկտեմբերի 11-ի դրությամբ Գեղարքունիքի մարզում հաշվառվել է Լեռնային Ղարաբաղից բռնի տեղահանված 999 դպրոցահասակ, 562 նախադպրոցական տարիքի երեխաներ։
Ինչպես տեղեկացրին Գեղարքունիքի մարզպետի աշխատակազմի ԿՄՍ վարչությունից, 562 նախադպրոցական տարիքի երեխաներից 42-ն արդեն հաճախում են մանկապարտեզներ։ Բռնի տեղահանված դպրոցահասակ 999 երեխաներից 450-ն արդեն հաճախում են մարզային եւ ԿԳՄՍ նախարարության ենթակայությամբ գործող կրթական հաստատություններ։
Գեղարքունիքի մարզում հաստատված բռնի տեղահանված մանկավարժների քանակը 88 է, որոնցից 19-ը հաշվառված են Գավառ, 30-ը՝ Սևան, 7-ը՝ Մարտունի, 22-ը՝ Վարդենիս, 10-ը՝ Ճամբարակ համայնքներում։ Այս պահի դրությամբ Վարդաձորի միջնակարգ դպրոցում աշխատանքի է ընդունվել անգլերենի ուսուցիչ Արևիկ Սարգսյանը։ Աշխատանքներ են տարվում մյուս մանկավարժներին ևս մասնագիտական աշխատանքով ապահովելու ուղղությամբ։
Խոսրով Խլղաթյան
