Ճապոնիան 2 միլիոն դոլարի դրամաշնորհ կհատկացնի Լեռնային Ղարաբաղից բռնի տեղահանվածներին
Ճապոնիայի կառավարությունը որոշել է 2 միլիոն դոլարի դրամաշնորհ հատկացնել, որը կուղղվի Լեռնային Ղարաբաղից բռնի տեղահանված անձանց օգնությանը։
Ինչպես տեղեկանում ենք Ճապոնիայի արտաքին գործերի նախարարության հաղորդագրությունից, այդ միջոցները փոխանցվելու են Կարմիր խաչի միջազգային կոմիտեի և ՄԱԿ-ի՝ փախստականների հարցերով գերագույն հանձնակատարի գրասենյակի միջոցով։
Ճապոնիայի կառավարության դրամաշնորհը կօգտագործվի ոչ պարենային ապրանքների, դեղորայքի և ջրի պաշարների ձեռքբերման համար։
Ըստ հաղորդագրության՝ 1 միլիոն ԱՄՆ դոլարը կփոխանցվի ԿԽՄԿ-ին, 1 միլիոնը՝ ՄԱԿ-ին։
