Աթոռակռիվը Նիկոլի օրակարգն է. Կարեն Վրթանեսյան. ՈՒՂԻՂ

«Պրեսսինգ» հաղորդաշարում Սաթիկ Սեյրանյանի հյուրը ռազմական փորձագետ Կարեն Վրթանեսյանն է:

Հարցազրույցի հիմնական թեզերը՝ ստորև.

• Եթե Հայաստանում հայկական իշխանություն ունենայինք, պահանջը պետք է լիներ ապահովել արցախցիների անվտանգությունը՝ թե մնալ ցանկացողների, թե դուրս գալ: Ըստ էության հիմա արցախցիները համակենտրոնացման ճամբարի պայմաններում են ապրում:

• Մենք գործ ունենք Ադրբեջանի, թուրքերի, այլ ուժերի շահերը սպասարկող օկուպացիոն վարչակարգի հետ:

• Ինչո՞ւ են արտաքին ուժերը վախենում Նիկոլ Փաշինյանի գնալուց… Որովհետև հաջորդը պահանջելու է պարտավորությունների կատարում արցախցիների նկատմամբ:

• Նիկոլ Փաշինյանը ոչ ուզում է, ոչ էլ կարող է ոչ արցախցիների անվտանգ ապրելն Արցախում, ոչ տարհանելը: Միակ պայմանը, որ նա երևի դրել է Ալիևի առաջ, սա է՝ հանկարծ արցախցիների մեծ քանակ թույլ չտալ, որ գա Հայաստան: Նա ուրախ կլինի տասնյակ-հազարավոր ադրբեջանցիներ հյուրընկալել, միայն թե չգա իրեն ատող այդքան մարդ:

• Արայիկ Հարությունյանն ու Նիկոլ Փաշինյանն ամեն ինչ արեցին, որ Արցախը պատրաստ չլինի դիմադրելու: Բայց անգամ այդ պայմաններում մարդիկ կռվեցին մինչև վերջ:

• Սա պետական դավաճանություն է, երբ կապույտ անձնագիր ունեցող մարդկանց Նիկոլ Փաշինյանը հրաժարվում է պաշտպանել, թեպետ նրա ուղիղ պարտականությունն է պաշտպանել նրանց ամենուր:

• Երբ դու մտցրել ես խաղաղապահ ու նրան չես տվել մանդատ, դա զուտ քաղաքական դեկորացիա է:

• Ի՞նչ է սա, խաղաղության օրակարգի կուտը: Պատերազմ է, իրենք խաղաղության օրակարգի մասին են խոսում:

• Ալիևը մի կուտ էլ դաշտ նետեց՝ ասելով՝ ճանաչում է Հայաստանի տարածքային ամբողջականությունը: Ո՞ր սահմաններով է ճանաչում: Միգուցե Ալեքսանդրապոլի պայմանագրո՞վ:

• Եթե ՌԴ-ն հեռանա այստեղից, ի՞նչ հիմքով ենք խոսում 29800 քկմ-ով սահմանների մասին:

• Բոլորին շատ հարմար իրավիճակ է հիմա, բացի Հայաստաանի ու Արցախի բնակչությունից:

• Այս մարդիկ չեն ուզում, որ բանակ լինի. փոխարենը՝ ակտիվ ներդրումներ են անում ոստիկանության մեջ:

• «Արցախը հանձնելով՝ պահենք Հայաստանի ինքնիշխանությունը» կեղծ թեզը նույնն է, որ երկու առողջ ոտք ունեցող մարդու մի ոտքը կտրեն ու ասեն՝ դե ուղիղ կանգնիր:

• Աթոռակռիվը հենց Նիկոլ Փաշինյանի կողմից է. դրա համար էլ նիկոլականներն ասում են՝ սա աթոռակռիվ է: Իրենք գիտեն՝ Նիկոլ Փաշինյանն ինչի համար է կատաղի պայքար մղում:

• Համաժողովրդական այնպիսի խորը զզվանք կա, որ եթե լինեն համակարգված գործողություններ, այդ զզվանքը կարող է շատ արագ բերել իշխանափոխության:

• Նիկոլ Փաշինյանին պահող ոստիկանների հետ որ հանգիստ խոսեք, կտեսնեք՝ ինչքան զզված են նրանից: Կան փոքրիկ ստորաբաժանումներ, ովքեր ագրեսիվ են, բայց հիմնական մասն ուղղակի զզված է:

• Ինչո՞ւ են անընդհատ փորձում բախումներ հրահրել. Պարապած սադրիչներ ունեն:

• Նիկոլ Փաշինյանն ամեն ինչի է պատրաստ. Մենք էլ պետք է պատրաստ լինենք ամեն վատության:

Մանրամասները՝ տեսանյութում: