Ստեփանակերտի բնակչուհին մանրամասներ է ներկայացրել տեղում տիրող իրավիճակից
Ստեփանակերտի բնակիչները ժամը 16:25-ի դրությամբ շարունակվող հրետակոծության պատճառով դեռևս պատսպարված են մնում ապաստարաններում:
Այս մասին «Արմենպրես»-ի հետ զրույցում տեղեկացրեց լրագրող, Ստեփանակերտի բնակչուհի Գայանե Գևորգյանը:
Նրա խոսքով՝ հրետակոծությունը սկսվելու պահին երեխաների մի մասը դպրոցում, մի մասն էլ ճանապարհին են եղել, իսկ իրենք աշխատավայրում և նույնիսկ չեն կարողացել գնալ երեխաների հետևից:
«Հենց աշխատավայրից դուրս եկա՝ սկսվեց: Ամեն մեկս, ով որտեղ կարողացել է, պատսպարվել է: Կապ չկա, չենք կարողանում զանգահարել միմյանց: Սպասում ենք հրետակոծության ավարտին, որպեսզի կարողանանք գնալ երեխաների հետևից»,-մանրամասնեց մեր զրուցակիցը:
