Վերին Լարս անցակետը ժամանակավորապես կգործի սահմանափակ ռեժիմով
Վերին Լարսի անցակետի պլանային վերակառուցման հերթական փուլի անցկացմամբ պայմանավորված՝ օգոստոսի 17-26-ը Վերին Լարսի անցակետում, ՌԴ-ից դեպի Վրաստան ուղղությամբ ինչպես ուղևորատար, այնպես էլ՝ բեռնատար երթևեկելի ուղիներում կիրականացվեն ասֆալտապատման աշխատանքներ:
Ինչպես տեղեկանում ենք ՌԴ դաշնային մաքսային ծառայության տարածած հաղորդագրությունից, աշխատանքները, մասնավորապես, կիրականացվեն բեռնատար և թեթև մարդատար տրանսպորտային միջոցների երթևեկության գոտիներում, որոնք ժամանակավորապես, փուլ առ փուլ, կհանվեն շահագործումից, ինչի հետևանքով էլ աստիճանաբար կկրճատվի անցակետի թողունակությունը:
ՌԴ ԴՄԾ-ն քաղաքացիներին և բեռնափոխադրողներին զգուշացնում է Վերին Լարսի անցակետի թողունակության հնարավոր նվազման մասին և խորհուրդ տալիս դիտարկել այլընտրանքային տրանսպորտային երթուղիները: Նաև հորհուրդ է տրվում, հաշվի առնելով աշխատանքների իրականացումը, պլանավորել սահմանը հատելու ամսաթիվը և ժամը:
