Նոր Խարբերդ թաղամասում «Գազպրոմ Արմենիան» ֆինանսական միջոցներ ներդնելո՞ւ է. Պավել Սարգսյան
«522 միլիոն դրամ հատկացվում է Նոր Խարբերդ թաղամասում գազատարի կառուցման մասով: 10.6 կմ երկարությամբ գազատար է նախատեսվում կառուցել: ինչպես նաև գազաբաշխիչ կայան կառուցել, որը գտնվելու է Մասիս խոշորացված համայնքի տարածքում: Մոտ 250 տուն գազով է ապահովվելու Նոր Խարբերդ թաղամասում»,- ավագանու նիստի ժամանակ հայտնեց Երևանի քաղաքապետի պաշտոնակատար Լևոն Հովհաննիսյանը:
Փոխքաղաքապետ Տիգրան Ավինյանն էլ նշեց, որ ֆինանսական միջոցները տրամադրելու է Կառավարությունը:
«Տարվա վերջում մարդիկ ունենալու են գազ: Այս ներդրումային ծրագիրը չի համարվում «Գազպրոմ Արմենիայի» ներդրումային ծրագիր, հետևաբար՝ չի կարող ազդել նաև սակագնի վրա»,- մանրամասնեց Տիգրան Ավինյանը:
