Ադրբեջանը Հայաստանով Նախիջևանին կապող տրանսպորտային ուղու շուրջ Հայաստան-Ադրբեջան դիրքորոշումների միջև մեծ «տարածություն» չկա. Տոյվո Կլաար
«Հարավային Կովկասի անվտանգությունը. ո՞րն է ԵՄ-ի դերը» խորագրով միջազգային վեբինարի ընթացքում Հարավային Կովկասի հարցերով Եվրամիության հատուկ ներկայացուցիչ Տոյվո Կլաարն անդրադարձավ Ադրբեջանը Նախիջևանին կապող ճանապարհի կամ, այսպես կոչված, Նախիջևանի միջանցքի հարցում Հայաստան-Ադրբեջան տարաձայնություններին:
Տոյվո Կլաարն ասաց, որ Բրյուսելում ղեկավարների միջև եղել է բավականին մանրամասն քննարկում Ադրբեջանը Նախիջևանին Հայաստանով կապող կապի շուրջ, ինչպես նաև այն մասին, թե ինչպես պետք է այն կառուցվի: Ըստ նրա, իրենք հասել են որոշակի ընդհանուր ըմբռնումների:
«Այս ամենի իրականացումը թողնվել է փոխվարչապետերի աշխատանքային խմբի վրա, որտեղ Հայաստանի ու Ադրբեջանի փոխվարչապետերը հանդիպել են ռուս գորխընկերոջ հետ»,- ասաց Կլաարը:
Տոյվո Կլաարի կարծիքով՝ կողմերի դիրքորոշումների միջև մեծ տարածություն չկա և մի փոքր ավելի ինտենսիվ աշխատանքով կարելի է կամրջել տարակարծությունները՝ հասնելով ըմբռնման, թե ինչպես ապահովել այս տրանսպորտային կապը:
