Փետրվար 10, 2023

ՀՀ ֆինանսների նախարար Վահե Հովհաննիսյանը փետրվարի 10-ին ընդունել է Հայաստանի Հանրապետությունում Մեծ Բրիտանիայի և Հյուսիսային Իռլանդիայի Միացյալ Թագավորության արտակարգ և լիազոր դեսպան Ջոն Գալագերին:

ՎՏԲ-Հայաստան Բանկը նախորդ տարվա արդյունքներով ավելացրել է բանկի քարտերով կենսաթոշակ ստացող հաճախորդների թիվը մինչև 110 հազ․մարդ։ Հաճախորդների այս խմբի քարտերով իրականացված անկանխիկ գործարքների ծավալը նախորդ տարվա երկրորդ կիսամյակում հասել է 3,2 մլրդ  դրամի՝ ավելի քան 8 անգամ գերազանցելով առաջին կիսամյակի արդյունքը։

Ազգային ժողովի «Հայաստան» խմբակցությունը դատապարտում է Ոստիկանության Էրեբունու բաժնում փաստաբանների նկատմամբ բռնության դեպքը և այս առնչությամբ պահանջում լիարժեք քննություն։

Սիրիայի Հանրապետությունում փետրվարի 6-ին տեղի ունեցած երկրաշարժը պատճառ դարձավ մարդկային կորուստների ու ավերածությունների, որոնցից զգալիորեն տուժեց նաև տեղի հայ համայնքը:

«Կողմ ենք ցանկացած ձևաչափի, որը կարող է ամրապնդել ռեգիոնի անվտանգությունն ու կայունությունը»,- այս մասին այսօր ամենշաբաթյա բրիֆինգի ժամանակ ասաց ՌԴ ԱԳՆ պաշտոնական ներկայացուցիչ Մարիա Զախարովան՝ հայտնելով ՌԴ ԱԳՆ դիրքորոշումը Երևան-Թբիլիսի-Բաքու հնարավոր պլատֆորմի վերաբերյալ։

Հայաստանում Ռուսաստանի Դաշնության դեսպանությունից արձագանքել են մամուլում տարածված տեղեկատվությանը, թե ՌԴ-ն պատրաստվում է հյուպատոսություն բացել Սյունիքի մարզում:

Ծեծված փաստաբանների շահերի ներկայացուցիչ Հրանտ Անանյանը, ներկայացնելով դեպքի մանրամասները՝ նախ նշեց, որ բերման ենթարկված անչափահասները օրինական ներկայացուցչի ու հոգեբանի ներկայությամբ ցուցմունք են տվել, թե ինչպես են նախորդ օրն Էրեբունու բաժնի օպերլիազորներն իրենց խոշտանգել:

«Պատգամավորներին անձեռնմխելիությունից զրկելու «օվերտոնի պատուհանը» բացվեց գեներալ Մանվել Գրիգորյանին անձեռնմխելիությունից զրկելով, ապա Գագիկ Ծառուկյանին։ Հասանք 2023թ․գեներալ Սեյրան Օհանյանին և պրոֆեսոր Արմեն Չարչյանին անձեռնմխելիությունից զրկելուն։ Հիմնականում ճղճղան կանայք ձևակերպումներով հարցեր էին կարդում, և երբ նայում ես որպես իրավաբան, հասկանում ես, որ մարդիկ անձեռնմխելիությունից զրկելու են պատգամավորի և առհասարակ չեն հասկանում, թե ինչ ասել է՝ անձեռնմխելիություն»,- ասաց իրավապաշտպան Ռոբերտ Հայրապետյանը «Իրավական տեռոր՝ կենսական վտանգների շեմին» քննարկման ընթացքում:

Հայաստանի բարձր տեխնոլոգիաների ոլորտում 60 տոկոսից ավելի աճ է արձանագրվել:

Փետրվարի 10-ի ցերեկը, 11-15-ը սպասվում է առանց տեղումների եղանակ։

«Ընդհանուր առմամբ երկրում պետական կառույցները գործում են շատ վատ։ Խայտառակ վիճակ ունենք նախաքննական մարմիններում, դատական համակարգում։ Նախաքննական մարմինները գերծանրաբեռնված են, ոչ թե ամիսներով, այլ տարիներով գործ չեն անում։ Նույնը վերաբերում է դատարաններին, և ունենք իրավիճակ, որ մարդը 3 տարի մեղադրյալ է»,- ասաց փաստաբան Բենիկ Գալստյանը «Իրավական տեռոր՝ կենսական վտանգների շեմին» քննարկման ժամանակ։

Դե հիմա կխնդրեմ համեմատեք և հասկացեք, թե որքան մեծ վնաս է հասցվում սրանց չակերտավոր դիվանագիտությունը մեր տնտեսությանը, արտահանողներին և առհասարակ բիզնեսին:

Փետրվարի 10-ին հայկական կողմի նախաձեռնությամբ հեռախոսազրույց է տեղի ունեցել Ռուսաստանի արտաքին գործերի նախարար Սերգեյ Լավրովի և Հայաստանի արտաքին գործերի նախարար Արարատ Միրզոյանի միջև։

«Իշխանությունները հասան նրան, որ հասարակությանը դրեցին մի վիճակի մեջ, երբ հասկացրեցին՝ մեզ տվեք մուրճ, քլունգ, մենք գնալու ենք ապօրինություն անելու, և հասարակությունը գտավ, որ դա նորմալ է։ Առողջ հասարակությունը, բնականաբար, դրա դեմ ընդվզում է, իսկ եթե ունենք հիվանդ հասարակություն, բնականաբար, նրանք չեն էլ գիտակցում, որ այդ գործողությունների արդյունքը շատ ավելի վատ է լինելու իրենց համար»,- ասաց փաստաբան Լուսինե Սահակյանը «Իրավական տեռոր՝ կենսական վտանգների շեմին» քննարկման ընթացքում։

Սիրիայի նախագահ Բաշար ալ-Ասադը ժամանել է Հալեպ քաղաք, որը գտնվում է ավերիչ երկրաշարժից լրջորեն տուժած համանուն նահանգում։ Այդ մասին հայտնում է SANA գործակալությունը:

ՌԴ ԱԳ նախարար Սերգեյ Լավրովը փետրվարի 16-ին հանդիպում կանցկացնի ԱՊՀ-ի, ՀԱՊԿ-ի, ԵԱՏՄ-ի և Միութենական պետության գործադիր կառույցների ղեկավարների հետ, կողմերը կքննարկեն 2022 թ.-ի արդյունքները: Այս մասին ասուլիսում հայտարարել է ՌԴ ԱԳՆ ներկայացուցիչ Մարիա Զախարովան։

«Մեր իրավապահ մարմինների համակարգն այսօր ակնհայտորեն չունի անկախություն և վերածվել է իշխող քաղաքական ուժի կամակատարի»,- այսպես գնահատեց  Հայաստանում այսօր գործող իրավապահ համակարգն «Իրավական ուղի» ՀԿ համահիմնադիր, իրավապաշտպան, փաստաբան Ռուբեն Մելիքյանը «Իրավական տեռոր՝ կենսական վտանգների շեմին» քննարկման ժամանակ: Նա նաև ընդգծեց մեկ այլ հետաքրքիր բնութագրիչ՝ իրավապահ մարմինները ոչ թե պարզապես իշխող քաղաքական ուժի կամակատար են դարձել, այլ դարձել են քաղաքական բլոկի կամակատար։

Սյունիքի մարզի սահմանամերձ Խնածախ գյուղը մասամբ է գազիֆիկացված, 12 բնակիչների տունն է գազիֆիկացված, մնացածը զրկված են դրանից։ Ֆեյսբուքյան օգտատերերից մեկը՝ Արման Գաբրիելյանը,  այս խնդրի մասին բարձրաձայնել էր իր ֆեյսբուքյան էջում. «Գազ կա գյուղում, բայց տները գազաֆիկացնելու համար որոշ ընտանիքներից Գազպրոմը 500.000֏ է պահանջում։ Արդյո՞ք պետությունը չի կարողանում լուծել այս խնդիրը:

ՀՀ ԱԳ նախարար Արարատ Միրզոյանը փետրվարի 9-ին ընդունել է ԵԱՀԿ Մինսկի խմբի ռուսաստանցի համանախագահ, Հայաստանի և Ադրբեջանի միջև հարաբերությունների կարգավորմանն աջակցելու հարցերով ՌԴ արտաքին գործերի նախարարի հատուկ ներկայացուցիչ Իգոր Խովաևին։

Հայաստանում մշակող արդյունաբերությունը 2022 թվականին աճել է, ՀՆԱ-ի կառուցվածքում այն կազմել է շուրջ 12 տոկոս: Այս մասին ԱԺ-ում՝ «Արդյունաբերական քաղաքականության մասին» օրենքում լրացում կատարելու մասին» օրենքի նախագծի քննարկման ժամանակ ասաց ՀՀ էկոնոմիկայի նախարար Վահան Քերոբյանը։

Քննարկում՝ «Իրավական տեռոր՝ կենսական վտանգների շեմին». ՈՒՂԻՂ

Մի շարք արտասահմանյան այցերի ավարտից հետո Ուկրաինայի նախագահ Վլադիմիր Զելենսկին Լեհաստանի Ժեշուվ քաղաքում հանդիպել է Լեհաստանի նախագահ Անջեյ Դուդայի հետ։ Այս մասին տեղեկացնում է Ուկրաինայի նախագահի կայքը:

«1924 թվականի գարնանը Կենտրոնական Կոմիտեի պլենումներից մեկից հետո, որին ես հիվանդության պատճառով բացակայել էի, ես ասեցի Սմիրնովին․ «Ստալինը ԽՍՀՄ բռնապետն է լինելու»։ Սմիրնովը լավ գիտեր Ստալինին նախկին աշխատանքից ու աքսորից, որտեղ մարդիկ ամենից լավն են սկսում իրար ճանաչել։ Հին բոլշևիկ Ի․Ն․ Սմիրնովը, ով ջախջախել ու գնդակահարել էր Կոլչակին, իսկ ավելի ուշ Զինովևի ու Կամենևի հետ գնդակահարվել Ստալինի հրամանով, ինձ առարկում էր․ «Ստալինը դիկտատորի թեկնածո՞ւ։ Ախր նա լրիվ գորշ և ողորմելի մարդ է։ Նա միջակություն է, գորշ ոչնչություն։» «Միջակություն՝ այո, ոչնչություն՝ ոչ» – պատասխանեցի ես ․․․

Բնապահպանության և ընդերքի տեսչական մարմնի տեսուչները Կոտայքի մարզում գործունեություն իրականացնող «Բեկոն Պրոդուկտ» ՍՊԸ-ում հայտնաբերել են խորքային հորի ապօրինի հորատման դեպք։

Ռուսաստանի Դաշնության Անվտանգության խորհրդի փոխնախագահ Դմիտրի Մեդվեդևն ուշադրություն է հրավիրել ԱՄՆ նախագահ Ջո Բայդենի՝ երկրորդ ժամկետով ընտրվելու մտադրության վրա և գնահատել նրա ներկայիս «արժանիքները»։ Դրանց թվում է «ցրվածության» պատճառով երրորդ համաշխարհային պատերազմ սկսելու հնարավորությունը։

Ուսումնասիրվել են կազմակերպությունների և ֆիզիկական անձանց կողմից 2023 թվականի ընթացքում ստացված բոլոր դիմումները, որոնք առնչվում են տրանսպորտային միջոցների՝ ԵԱՏՄ շրջանակում էլեկտրոնային տեխնիկական անձնագրերով հաշվառվելու համար կարգավիճակ ունենալու վերաբերյալ տեղեկատվությանը։

Թուրքիայի արտաքին գործերի նախարարությունն արձագանքել է Մեքսիկայի սենատի կողմից Հայոց ցեղասպանության ճանաչմանը՝ այն անվանելով «քաղաքական դրդապատճառներով պատմությունը վերաշարադրելու փորձ»։

Ճապոնիայի արտաքին գործերի նախարար Յոսիմասա Հայասին այսօր Տոկիոյում կայացած մամուլի ասուլիսում հայտարարել է, որ երկրի իշխանությունները լրացուցիչ օգնություն կուղարկեն Թուրքիային և Սիրիային՝ ավերիչ երկրաշարժի հետևանքների վերացման համար։ Այդ մասին տեղեկացնում Է ТАСС գործակալությունը:

Այսօր վերջին տասնամյակների կտրվածքով անհավանական լուր ստացվեց. Ոստիկանության բաժնում ծեծել են իրենց մասնագիտական պարտքը կատարող փաստաբանների:

Եվրոպական խորհրդի նախագահ Շառլ Միշելը հայտարարել է, որ հինգշաբթի օրը Բրյուսելում կայացած գագաթնաժողովում Ուկրաինային օգնություն ցուցաբերելու շուրջ քննարկումների ընթացքում ԵՄ-ի պետությունների ու կառավարությունների ղեկավարները կարծիքներ են փոխանակել իրենց զինամթերքի պահուստների համալրման կարևորության շուրջ: Այդ մասին  տեղեկացնում է «Интерфакс» գործակալությունը: