Աշխարհը գնում է դեպի անդունդ․ Գերմանիայի ԱԳ նախարար
Կլիմայի 2,5 կամ ավելի աստիճանով տաքացումը կնշանակի մարդկության անդունդը գլորել ընկնել, ասել է Գերմանիայի արտգործնախարար Աննալենա Բերբոքը։ Այդ մասին գրում է Welt-ը։
«Մարդկությունը գնում է դեպի անդունդ․․․ Ավելի քան 2,5 աստիճան տաքացումը կործանարար ազդեցություն կունենա միակ մոլորակի վրա, որը մենք ունենք»,- ասել է արտգործնախարարը Կլիմայի համաշխարհային համաժողովի նախօրեին։
Նրա խոսքով՝ աշխարհը կարող է սահմանափակել կլիմայական ճգնաժամը։ Բերբոքը կարծում է, որ մարդկությունն ունի դրա համար բոլոր գործիքները:
Գիտնականները պարբերաբար զգուշացնում են գլոբալ տաքացման վտանգի մասին։ Գործընթացը զսպելու համար 2015-ին ավելի քան 190 երկրներ ստորագրեցին Փարիզի կլիմայի համաձայնագիրը, որի նպատակն է նվազեցնել արտանետումները, տեխնոլոգիական արդիականացումը և հարմարվել ընթացիկ փոփոխություններին: Ակնկալվում է նաև ավելացնել վերականգնվող էներգիայի աղբյուրների տեսակարար կշիռը։
Արևմտյան երկրները, այդ թվում՝ Գերմանիան, բախվում են էներգակիրների գների աճին՝ Մոսկվայի դեմ պատժամիջոցների սահմանման և ռուսական վառելիքից հրաժարվելու քաղաքականության պատճառով։ Վառելիքի, առաջին հերթին գազի գնի թանկացման պատճառով Արևմուտքում արդյունաբերությունը մեծապես կորցրել է իր մրցակցային առավելությունները, ինչն ազդել է նաև տնտեսության այլ ոլորտների վրա։
