Խնձորով պիրոգ, որը կբարձրացնի տրամադրությունը ու կջերմացնի ցուրտ օրերին
![](https://168.am/wp-content/uploads/2022/09/2880x2160_1_a056de32e556d3fe83d496a8afe8fe8c@3120x2340_0xac120003_18417581661633347311.png)
Բաղադրիչներ
Խմորի համար՝
1. Ցորենի ալյուր – 370 գ
2. Կարագ – 160 գ
3. Շաքարավազ – 130 գ
4. Փխրեցուցիչ – 10 գ
5. Ձու – 1 հատ
6. Աղացած պնդուկ – 100 գ
Միջուկի համար՝
1. Խնձոր – 2 կգ
2. Շաքարավազ – 200 գ
3. Կարագ – 90 գ
4. Աղացած դարչին – 4 գ
5. Վանիլին
6. Ջուր – 120 մլ
7. Եգիպտացորենի օսլա – 20 գ
Պատրաստման եղանակը
1. Խնձորը մաքրել, կորիզները հեռացնել, խորանարդաձև կտրատել: Այնուհետև չոր եղանակով պատրաստել կարամելը: Խորը կաթսայի մեջ լցնել շաքարավազը և դնել բարձր կրակի վրա։
Պարբերաբար կաթսան թափահարել՝ խառնելու համար շաքարավազը։ Երբ ամբողջ շաքարը հալվի և վերածվի կարամելի, կաթսան վերցնել կրակից։ Կարամելին ավելացնել սենյակային ջերմաստիճանի կարագ և ամբողջ զանգվածը խառնել:
2. Պատրաստի կարամելի մեջ լցնել կտրատած խնձորները, ավելացնել մի պտղունց դարչին և վանիլին։ Կաթսան վերադարձնել ջեռոցը վրա և եփել, մինչև խնձորները փափկեն: Վերջում խնձորներին ավելացնել ջրի հետ խառնած օսլան։
3. Սառը կարագը կտրատել փոքր խորանարդիկների, դնել խորը ամանի մեջ և վրան լցնել ալյուրը, փխրեցուցիչը, շաքարավազը, ձուն և խառնել, մինչև ստացվի փխրուն խմոր:
4. Խմորի կեսը դնել կաղապարի հատակին։ Թեթև սեղմել՝ ամուր հիմք ստեղծելու համար: Խնձորի ամբողջ միջուկը լցնել խմորի վրա՝ հավասարաչափ բաշխելով։
5. Խմորի մնացած կեսին ավելացնել աղացած պնդուկը, խառնել և լցնել միջուկի վրա։ Թխել 40-45 րոպե, 180 աստիճան ջեռոցում։
Պատրաստեց Անի Գաբուզյանը
Բաղադրատոմսը՝ Kalabasa հրուշակեղենի խանութից: