Գիտնականները բացատրել են, թե ինչպես երկարացնել աղջիկների երիտասարդությունը

Իմանուիլ Կանտի անվան Բալթյան դաշնային համալսարանի ռուսական ​​թիմի կազմում մտնող գիտնականները ցույց են տվել, որ շաբաթական 150 րոպե ֆիզիկական ակտիվությունը կարող է փոխել մարդու կենսաբանական տարիքը մի քանի տարով։ Հետազոտության հեղինակները կարծում են, որ իրենց ստացած տվյալները կարող են բարելավել ուսանող տարիքի աղջիկների կյանքի որակը, խուսափել ապագա սոմատիկ հիվանդություններից և զգալիորեն բարձրացնել նրանց վերարտադրողական ֆունկցիան, հայտնում է համալսարանի մամուլի ծառայությունը։

Հետազոտության հեղինակներից Անտոն Վորոժեյկինի խոսքով՝ նույն անձնագրային տարիքի մարդիկ կարող են զգալիորեն տարբերվել միմյանցից՝ մարմնի ֆունկցիոնալ հնարավորություններով, ֆիզիկական և մտավոր կատարողականությամբ, հոգեհուզական վիճակով, վարակների և սոմատիկ հիվանդությունների նկատմամբ հակվածությամբ:

Անձնագրի տարիքը պետք է համապատասխանի կենսաբանական տարիքին: Եթե ​​կենսաբանականը գերազանցում է անձնագրայինին, ապա կարելի է ենթադրել, որ տվյալ անձի մոտ կան օրգանիզմի վաղաժամ ծերացման նշաններ։ Եթե ​​կենսաբանական տարիքը հետ է մնում անձնագրայինից, դա վկայում է կյանքի ավելի երկար տևողության մասին։

Ռուսական հետազոտական ​​խումբը՝ Իրկուտսկի ազգային հետազոտական ​​տեխնիկական համալսարանի պրոֆեսոր Միխայիլ Կոլոկոլցևի գլխավորությամբ, Իմանուել Կանտի Բալթյան դաշնային համալսարանի հետազոտողների մասնակցությամբ, հետազոտել է 18-19 տարեկան ավելի քան 500 ուսանողուհիների:

Աղջիկների կենսաբանական տարիքը և ծերացման արագությունը որոշվել է Gorelkin, Pinkhasov. մեթոդով։ Մարմնի բաղադրիչ կազմը՝ J. Matiegka մեթոդով: Աղջիկների շաբաթական ֆիզիկական ակտիվության ծավալն ուսումնասիրելու համար անցկացվել է հարցում՝ օգտագործելով ֆիզիկական ակտիվության միջազգային հարցաշարը՝ IPAQ-SF:

Պարզվել է, որ շաբաթական 150 րոպեից ավելի ֆիզիկական ակտիվություն ունեցող աղջիկների 74,4 տոկոսի մոտ ծերացման տեմպերը դանդաղ են: Նրանք ունեն մկանային զանգվածի ամենաբարձր պարունակությունը (41,7 տոկոս) և մարմնի ճարպային զանգվածի ամենացածրը (12,3 տոկոս), և նրանց կենսաբանական տարիքը միջինը 1,7 տարով պակաս է անձնագրայինից։

Անտոն Վորոժեյկինի խոսքով՝ անկախ ծերացման տեմպերից՝ ֆիզիկապես ակտիվ կենսակերպ վարող աղջիկների կենսաբանական տարիքը զգալիորեն ցածր կլինի անձնագրային տարիքից։

Պատրաստեց Անի Գաբուզյանը