Իրենց աթոռներից շպրտվելու են կա՛մ փողոցային պայքարով, կա՛մ երկրորդ կապիտուլյացիայից հետո, երբ այլևս չի լինի պետականություն. Գառնիկ Դավթյան

«Պրեսսինգ» հաղորդաշարում Սաթիկ Սեյրանյանի հյուրն ադրբեջանագետ Գառնիկ Դավթյանն է:

Բանախոսը նշել է.

Պարտված իշխանությունը զիջումների մասնագիտություն է ձեռք բերել:
Այս իշխանություններն իրենց գործողություններով ընդգծել են, որ հրաժարվում են Արցախից և բոլոր կորուստները թողել են անցյալում:
Նիկոլ Փաշինյանը դեռ անցյալ տարի՝ խորհրդարանական ընտրություններից առաջ էր խոստացել հստակ զիջումներ:
Էս իշխանությունները ոչ ընտրություններով, ոչ սեփական կամքով, ոչ էլ պատերազմի արհավիրքի ընկալմամբ չեն գնալու. իրենց աթոռներից շպրտվելու են կամ փողոցային պայքարով, կամ, երբ ստորագրվի երկրորդ կապիտուլյացիան, երբ այլևս չլինի պետականություն:
Դրոշների պղծությամբ տրվել է հակահայկական, հակաարցախյան կործանարար քարոզչության մեկնարկը, և դրա ազդակն առաջինն Ադրբեջանից էր, երբ 2021թ. սեպտեմբերին ադրբեջանական զինված ու դիմակավորված ծառայողները կանգնեցրել էին Արցախի ֆուտբոլի 15-16 տարեկան երեխաների հավաքականի խաղացողներին տեղափոխող քաղաքացիական ավտոբուսը, որոնք երթևեկում էին Որոտանի ճանապարհով: Կանգնեցրել էին և ավտոբուսի վրայի դրոշը պղծել՝ դանակով քերել:
Էս մարդիկ անհայրենիք են, չունեն որևէ արժեք, էս մարդկանց հիմնական նպատակը հայկական ազգային արժեքները վերջնականապես խարխլելն ու ռուսականությունը դուրս մղելն է:
Եթե ունենանք կորսված Արցախ, կարելի է համարել ռուսականությունը Հարավային Կովկասից դուրս մղված:
Արցախի կորստից հետո կկործանվի հայկական պետականությունը:
Ադրբեջանի 30 տարվա հակահայկական քարոզչությունն այսօր իրականացվում է այս իշխանությունների ձեռամբ:
Այս իշխանությունների կողմից իբր արցախյան առաջին պատերազմից հետո հայտնաբերված ադրբեջանցիների մասունքների փոխանցումը Բաքվին լուրջ վտանգ է Հայաստանի հետագա իշխանությունների համար:
Ադրբեջանն այս ոսկորների միջոցով միջազգային հանրությանն ուզում է ներկայացնել 90-ականներին տեղի ունեցածը որպես ցեղասպանություն՝ դրանով փորձ կատարելով արդարացնել 44-օրյա պատերազմի ընթացքում իրենց գործողությունները:
Այսօրվա իշխանություններն ուղղորդված քարոզչություն են իրականացնում. Փաշինյանը լավ գիտի հայ ժողովրդի խնդիրներն ու թույլ կողմերն ու բացերը, օգտվելով դրանից՝ կարողանում է մարդկանց բերել իր դաշտ:
Էս մարդիկ վախենում են իշխանափոխությունից, Նիկոլ Փաշինյանին սատարող քաղաքական ուժերն ու անհատները վախենում են զրկվել աշխատավարձից, վախենում են իշխանություն կորցնելուց, վախենում են ղարաբաղյան երկրորդ շարժումից…
Գործող իշխանությունները նպատակ չունեն Արցախը հայկական պահել, իրենց նպատակն է՝ խարխլել ու վերջնականապես վերացնել Արցախում ձևավորված մթնոլորտը:
Հայաստանին տանում են երկրորդ կապիտուլյացիայի ստորագրման:
«Իզմ»-եր չունեցող կուսակցությունները կործանում են պետությունները:
Դաշտում հայտնվել են տարատեսակ, անհասկանալի մարդիկ, որոնք իբրև փորձագետ ներկայանալով՝ մարդկանց մոտ այլ պատկերացումներ ու կարծիք են ձևավորում:
Բրյուսելյան հանդիպումով մեկնարկ է տրվել Հայաստանում հակառուսականության և Հարավային Կովկասի համար պայքար սկսելու:
ԼՂ հակամարտությունը կարող է լուծվել միայն բալանսավորված ուժերի դեպքում, և դա հստակ երևաց 2016-ի քառօրյա պատերազմից հետո:
Հայելային հետքաշման պայմանավորվածությունն Ադրբեջանը միտումնավոր է խախտել՝ սադրելով, որ լինի ուժի կիրառում խաղաղապահների կողմից:
Չեմ հավատում, որ Ադրբեջանը դուրս գա գրաված տարածքներից, ավելի քան համոզված եմ՝ եղել է ներքին պայմանավորվածություն՝ տարածքն Ադրբեջանին հանձնելու:
Սխալ է միայն ռուսական կողմին մեղադրելը, հայկական կողմն էլ ունի բացթողումներ, սա Արցախում էլ են ընդգծում, և ռուսական կողմն էլ է ընկալում: